БОАЖ-ын сайд Б.Бат-Эрдэнэ, Монгол Улсаас АНУ-д суух Элчин сайд Ө.Батбаяр болон ОУ-ын байгаль хамгаалах /ICCF/ сангийн Азийг хариуцсан гүйцэтгэх захирал Тодд Конингс нар 2022 оны 04 дүгээр сард  цахимаар уулзалт хийж, байгаль хамгаалах чиглэлээр хамтран ажиллахаар санал солилцсон билээ. 

Уулзалтын үр дүнд Богдхан уулын дархан цаазат газрыг хамгаалах, үндэсний жишиг парк байгуулах чиглэлээр хамтран ажиллах, шат дараатай төлөвлөлтийг хийхээр санал солилцсон. 

Төрхурахын алхалтын замыг олон улсын жишигт хүргэх зорилгоор  The ICCF Group олон улсын байгаль хамгаалах сангийн мэргэжилтэн, судлаачид тус амны аялах, амрах цэгийн төлөвлөлтийг хийж дууслаа.

 Тус сангийн мэргэжилтнүүд Монгол Улсад энэ онд тус төслийн судалгааны ажлаар 3 дахь удаагаа ирж ажиллаж байгаа бөгөөд ерөнхий төлөвлөлтийг бзүрэн хийж. давуу болон сул талууд дээр дүгнэлт хийсэн ажлаа танилцууллаа. Танилцуулах уулзалтад БОАЖ-ын сайд Б.Бат-Эрдэнэ, ТХБНУГ-ын дарга Д.Батмөнх, Богдхан уулын ДЦГХЗ-ны дарга Н.Бямбадорж нарын албаны хүмүүс оролцож төслийг хэрэгжүүлэх чиглэлээр олон улсын болон дотоодын олон талт хамтын ажиллагааг өргөжүүлэхэд талууд хамтран ажиллахаар тохиролцлоо.